Ardian Mema ka bindjen se Edi Reja duhet të shohë me një sy tjetër Armando Brojën, duke pasur parasysh efikasitetin e cilësinë që ka. Në studion e “Sport Neës Plus” në “Neës 24”, ai theksoi se e rëndësishme gjithsesi është që të bëhet një hap para.
“Broja, duke qenë 20 vjeç nuk e ka përvojën e duhur, me atë lloj personaliteti gjenden pak. Mori topin mes 3-4 vetëve dhe me iniciativë personale bëri gol. Shënoi gol e dha asist edhe më parë, duhet të jetë në interesin e trajnerit që ta shohë me sy tjetër tani.
Në kombëtare janë provuar shumë dhe ndoshta trajneri nuk ka gjetur ende çiftet apo formacionin kush do jetë, ndoshta edhe ai do të jetë shumë skeptik. Por duhet parë me shumë interes se rrallë vijnë kështu lojtarësh si puna e Brojës.
Puna është të mos të jemi si Shqipëria e dikurshme me një hap para e 10 pas, të mos kënaqemi me atë që arritëm por të shohim drejt të ardhmes.
Trajneri, si rrallëherë, në këtë lloj gjenerate ka shumë lojtarë që luajnë jashtë dhe në ekipe të mira. Por ai tregoi veten në këtë ndeshje se edhe zëvendësimet ishin në momentin e duhur”, tha Mema.
DENONCO