Kosova e pëson 3-0 me Suedinë në “Friends Arena”. Në Solna, aty ku ishin 45 mijë tifoë në stadium dhe mijëra shqiptarë në mbështetje të dardanëve, skuadra e Challandes humbi 3-0 ndaj një kundërshtari tepër të fortë në fakt.
Pjesa e parë nisi me vendasit në sulm, ku falë një dhurate nga mbrojtja e Kosovës desh shënon në minutën e 11 me Isak por bllokoi gjuajtjen Florent Hadërgjonaj.
Kosova përgjigjet në minutën e 17’ me Elbasan Rashanin i cili me një gjuajtje në zone me të majtën, “qeth” shtyllën e Suedisë duke iu afruar shumë golit.
Ndërkohë në minutën e 23’, ndërpritet loja që arbitri të shikojë me VAR një prekje me dorë në zonë ku konfirmohet penalltia për Suedinë teksa Hadërgjonaj mori karton të verdhë duke humbur sfidën tjetër me Gjeorgjinë.
Forsell ekzekuton dhe shënon 1-0 për Suedinë pas 5 minutash vonesë ndërsa në 31’ sërish nordikët godasin edhe shtyllën.
Me të nisur pjesa e dytë, Suedia ishte sërish pranë golit me Isak gjuajtja e të cilit u grushtua nga Muriç. Në minutën e 57’, Kosova shënon një gol që me të drejtë anulohet për pozicion të parregullt teksa 2 minuta më pas Kulusevski është pranë golit të dytë por sërish gjuajtja e tij devijohet nga portieri dardan.
Në 62’, sërish Muriç me një pritje të dyfishtë ndaj Isak shpëton Kosovën nga pësimi i golit të dytë dhe padyshim që portieri i Kosovës është ndër më të mirët në fushë teksa në 64’ sërish Isak bën një supergol nga jashtë zone.
Në minutën e 68’, Kosova i afrohet golit pas një aksioni të shpejtë dhe gjuajtja e Dreseviç kalon ngjitur me portën e Robin Olsen.
Githsesi janë vendasit që shënojnë sërish me Quaison që futet në fushë dhe pak minuta më pas shënon golin e tretë dhe të fundit të sfidës.
Kosova tashmë duhet të fokusohet për vendin e tretë në grup por Greqia arriti 9 pike pasi mundi 2-0 ne transferte Gjeorgjinë.
