Kriza energjetike/ A do ketë ndërprerje dritash? Përgjigjet Rama

Kryeministri Edi Rama deklaroi këtë të Premte se Shqipëria po përjeton një krizë energjetike.

I ftuar në emisionin “Zonë e Lirë”, Rama u pyet “a do të ketë ndërprerje dritash”. “S’ka arsye të ikin dritat”, u përgjigj ai.

“Nesër do dal për të ndarë planin që kemi bërë gati siç e kisha paralajmëruar. Kjo është emergjencë, kriza është reale, çmimet janë rritur në mënyrë eksponenciale për shkak se ne jemi të detyruar të blejmë energjinë elektrike se ne s’varemi nga uji, por nga shiu. Se të varesh nga uji do të thotë që të kesh një sitem që ujin mund ta mbash rezervë, ti përdorim kur kemi kohë thatësire, ne se kemi një sistem të tillë. Prandaj po ndërtojmë Skavicën, të përdorim ujin që detyrohemi ta shesin lire se kur e shesim kanë të gjithë, por kur e blejmë e duan të gjithë”, u shpreh ai.

LEXO EDHE  OBSH: COVID-19 mund të ketë vrarë mbi 80 mijë punëtorë shëndetësorë