I shpallur në kërkim ndërkombëtar, arrestohet në Muriqan 33-vjeçari britanik

Një 33-vjeçar britanik është arrestuar nga policia kufitare e Muriqanit, mesditën e sotme.

Mësohet se shtetasi, Callum Sinclair, 33 vjeç, banues në Britani, ishte shpallur në kërkim ndërkombëtar, pasi Gjykata e Dohas, Katar, e ka dënuar me 2 vite burgim për veprën penale “Lëshimi i çeqeve fiktive”, parashikuar nga Kodi Penal i Katarit.

Njoftimi i plotë:

Shërbimet e Policisë Kufitare në PKK Muriqan, si rezultat i shkëmbimit të vazhdueshëm të informacioneve me Interpol Tirana, në hyrje të Republikës së Shqipërisë, bënë të mundur ndalimin e shtetasit britanik në kërkim ndërkombëtar:

 Callum Sinclair, 33 vjeç, banues në Britani.

Ky shtetas ishte shpallur në kërkim ndërkombëtar, pasi Gjykata e Dohas, Katar, e ka dënuar me 2 vite burgim për veprën penale “Lëshimi i çeqeve fiktive”, parashikuar nga Kodi Penal i Katarit.

 

LEXO EDHE  Koronavirusi/ Komiteti i Ekspertëve mblidhet sot, ja çfarë çështjesh do të diskutojë