Hungaria luan pa tifozë ndaj Shqipërisë, ja pse UEFA i dënoi kundërshtarët

Hungari-Shqipëri do të luhet nesër në orën 20:45 në stadiumin “Puskas Arena” të Budapestit. Në orarin e ndeshjes pritet që temperatura maksimale të jetë deri në 15 gradë, ndërsa ajo minimale deri në 6 gradë.

Kushtet do të jenë perfekte për një ndeshje, por atmosfera në stadium do të jetë “e akullt”, pasi do të luhet pa praninë e tifozëve. Shkak për këtë është bërë dënimi i dhënë nga UEFA për sjelljet raciste të tifozëve hungarezë në ndeshjen e fundit në shtëpi ndaj lojtarëve të Anglisë.

LEXO EDHE  VIDEO/ Panik në kampionatin holandez, momenti i frikshëm kur shembet tribuna

Dënimi i fushës deri diku ka djegur edhe fanatikët e Kombëtares shqiptare, të cilët kanë qenë të pranishëm në çdo stadium që ka luajtur Shqipëria në vitet e fundit. Gjithsesi, dënimi i UEFA-s u shkon disi për shtat kuqezinjve të trajnerit Edi Reja, pasi nuk do të kenë trysninë e vendësve, aq më shumë që bëhet fjalë për një stadium me kapacitet 38 mijë e 652 vende.