Dy shqiptarë janë arrestuar nga policia italiane pasi se akuzohen se kanë tentuar të vjedhin disa materiale me vlerë rreth 60 mijë euro.
Mësohet se denoncimi erdhi nga një kompani private në Lodi, ku raportoi se kishte parë dy persona të dyshimtë. Shqiptarët pasi lanë makinën pranë vendit ku do kryenin vjedhjen, prenë një gardh rrethues dhe më pas grumbulluan një sasi çelik dhe bakër, me vlerë 60 mijë euro, për t’i marrë.
Por tentativa dështoi pasi ata u kapën në flagrancë nga policia italiane. Pas përballjes në gjykatë, dy shqiptarët u liruan megjithatë do u duhet të paraqiten para gjykatës tre herë në javë, ndërsa mallrat e vjedhura u lanë në vend tek kompania që u përkisnin.
