Një 51-vjeçar nga Shqipëria ndërroi jetë në Greqi si pasojë e një aksidenti tragjik, raportuan mediat lokale këtë të Premte. Makina me të cilën shqiptari po udhëtonte doli nga rruga në Achaia. Aksidenti ishte fatal për 51-vjeçarin (identiteti i të cilit nuk bëhet me dije) që ndërroi jetë në vend.
Trupi i tij u nxor pas disa orësh nga zjarrfikësit, pasi u bllokua në makinë si pasojë e deformimeve të shumta që pësoi mjeti.
Nga të dhënat paraprake, dyshohet se shkak ka qenë shpejtësia dhe lagështira në rrugë nga reshjet e shiut.
