Partizani i është kthyer me ritëm të plotë përgatitjeve për ndeshjet e radhës në kampionat. Për këtë arsye, trajneri Daja ka vendosur që skuadra të luajë sot një miqësore si përgatitje për sfidat e radhës, duke filluar nga Kupa, për të vazhduar më pas me sfidën ndaj Kukësit.
Të kuqtë janë përballur sot me Turbinën, në një ndeshje ku trajneri Daja ka parë formën e lojtarëve që ka aktualisht në përbërje, e sidomos të atyre të cilët pretendojnë për të pasur hapësira në formacionin titullar.
Ndeshja u mbyll me fitoren 2-0 të skuadrës së Partizanit, me golat që u shënuan në pjesën e dytë nga zëvendësuesit Kullaj e Marinaj, të cilët shfrytëzuan mundësinë që iu dha në këtë ndeshje.
