Kreu demokrat, Lulzim Basha, shprehet se ngritja e çmimeve ka qëllim t’ia kalojë barrën e korrupsionit dhe keqmenaxhimit, familjeve shqiptare.
Basha shprehet se gati gjysma e popullsisë jeton në varfëri, me më pak se 5 dollarë në ditë.
Sipas tij, 41% e shpenzimeve totale të një familjeje shqiptare shkojnë për ushqime.
“Kjo është shifra më e lartë në Europë, dhe ky buxhet i lartë që shpenzojnë për t’u ushqyer, është një tjetër tregues i varfërisë, por edhe çmimeve të larta në raport me të ardhurat të vërteta të shqiptarëve”, thekson Basha.
Sipas kreut demokrat, janë edhe pensionistët që orvanten midis dyqaneve dhe farmacive për të blerë sa munden me atë pak që kanë, për të mbajtur veten gjallë.
“Janë të rinjtë dhe të rejat që enden të papunë, midis dëshirës për të lënë këtë vend dhe dashurisë për të dhe familjen e tyre që i mban ende këtu, me shpresën se një ditë do të bëhet më mirë edhe për ta”, shprehet Basha.
