Personazh “i palatuar dhe bio”, e ka cilësuar Arjan Çani, ish drejtorin e Policisë së Shtetit, Ardi Veliu.
I ftuar në emisionin “Të Paekspozuarit” në MCN TV, Çani tha se rezultatet e Veliut nuk kanë ndonjë rëndësi të komentohen, për sa kohë policia është politike dhe në shërbim të pushtetit.
“Në një vend që policia është politike, në shërbim të kryeministrit, është harxhim energjie, që të komentohet kaq shumë se si ishte dhe çfarë bilanci kishte Ardi Veliu.
Ajo që do të mund të veçoja, është kjo, Veliu ishte një personazh i palatuar, pra si të thuash ishte bio. Në 2021, me një kryeministër piktor, modern, nuk shkon, duhet një gjë që t’i ngjajë kryeministrit.
Në fakt, kontradikta është kjo, si ka mundësi që Rama ka mbajtur një të ndryshëm nga ai? Ndërkohë ky tjetri që vjen tani, është më afër kryeministrit.
Ardi Veliu, për mua, nuk mund të arrinte më shumë se kaq. Katër vjet që ndejti atje, e ka trofe. Nuk duhet të jetë i mërzitur.
Do të qarkullojnë elitat administrative. Nuk mund të rrish dot më shumë se katër vjet”, tha ndër të tjera Çani.
