Ish-Kryeministri Sali Berisha shprehu bindjen nga Gjirokastra, atje ku zhvilloi Foltoren e rradhës, se Partia Demokratike do të fitojë.
Berisha u shpreh se në 1991 u pëmbys diktatura, ndërsa tani të bashkuar do të përmbysim regjimin e krimit.
Gjatë takimit në Gjirokastër, një nga të pranishmit nuk kurseu entuziazmin, madje e krahasoi ish-Kryeministrin me aktorin e hollywood Bud Spenser.
Detaji
Demokrati: Kujtoj vitet kur ne të prisnim në dalje të Krasit, e ti ndaloje makinën në çdo vend. Dhe thoje mbaje makinën se kanë dalë tigrat e Tepelenës. Mirë se erdhe në jug të Shqipërisë o Sali Berisha, o Bud Spenser i Shqipërisë. O trim. Nga ti duam të dëgjojmë vetëm fitore, fitore, fitore, të përqafoj o tropojan gjigand.
Berisha: Jam i bindur dhe i sigurtë që ne do fitojmë, dhe bindja vjen te besimi i madh që kam te ju, te përkushtimi dhe idealet tuaja. Në 91-shin përmbysëm një regjim diktatorial. Sot kemi një regjim të bazuar mbi krimin, do ta përmbysim.
