Epidemiologu Taulant Muka u shpreh mbrëmjen e sotme në Opinion se është kundër vaksinimit të fëmijëve nën 18 vjeç.
Muka tha se bazuar në shifrat e publikuara, në kushtet e Shqipërisë, ku ka pasur një përhapje të lartë të infeksionit, nuk është e nevojshme vaksinimi i fëmijëve.
Muka gjithashtu tha se është kundër vaksinimit të detyruar të studentëve.
“Mendoj se bazuar në shifrat janë rreth 70-75 % e popullatës që kanë kaluar Covid-19, ndërkohë që krahasuar me vitin e mëparshëm kanë humbur jetën mbi 10 mijë persona më shumë, çka do të thotë se kemi një shkallë të lartë të infektimeve dhe studimet kanë treguiar se mbrojtja natyrore nga infeksioni është 6-12 muaj”, tha Muka.
Bazuar në të dhënat dhe situatën epidemiologjike në Shqipëri, Muka tha se nuk ka pse të aplikohen vaksinat e detyruara.
