Ish-deputeti Lefter Maliqi ka komentuar largimin e Ardi Veliut nga detyra e Drejtorit të Përgjithshëm të Policisë së Shtetit. Maliqi shprehet se Veliu u shkarkua nga “çifti familjar” Çuçi-Rama pasi u përdor politikisht.
Në një postim në FB, Maliqi shkruan:
“Çifti familjar” Çuçi-Rama shkarkuan Veliun. Pasi e përdorën për mbrojtjen, për perdorimin e krimit, e bandave, për zgjedhjet e 25 Prillit. Pasi e përdorën politikisht për përdorimin e gazit lotsjelles ndaj opozitës, banorëve të Astirit dhe bregut të lumit etj, pasi e perdoren si shofer të Balilit, pasi e përdorën për mbulimin e krimeve, për shkelje të ligjit në shembjen e teatrit, për goditjen ndaj të miturve dhe gazetarëve, për emerime politike në polici, për urdhra vetëm politik, duke demtuar rëndë imazhin e policisë së shtetit, duke i kthyer në mbledhës dhe venës gjobash, duke i kthyer në punëtor për korrje parcelash hashashi, e për gjithfarë lloj skandalesh të tjera të panumërta. E shtrydhen si limoni dhe e hodhën në rrugë, siç kanë keqpërdorur çdo Drejtues, Ministër, Deputet, Kryebashkiak etj, që “Çifti familjar” Rama -Çuçi pasi i keqpërdorin, i flakin në drejtim të paditur.
