Presidenti i “Zonjës së Vjetër” Andrea Agnelli admiron drejtorin sportiv të Lacios, për aftësinë e tij për të gjeneruar vlerë
Juventusi po monitorin drejtorin sportiv të Lacios, Igli Tare. Kontrata e ish-sulmuesit me bardhekaltrit përfundon në Qershor të vitit 2023 dhe sipas “Calciomercato.com” Presidenti Andrea Agnelli është një admirues i tij.
Tare ka pasur detyrën e drejtorit sportiv te bardheklatrit që nga viti 2009 dhe ndër vite ai ka arritur që të ndërtojë një skuadër mjaft konkurruese, ku ka afruar emra si Luis Alberto, Ciro Immobile dhe Sergej Milinkoviç Saviç.
“Zonja e Vjetër” në verë e mbylli bashkëpunimin me Fabio Paratiçin duke e zëvendësuar atë me Federiko Çerubinin.
Pavarësisht mendimit të mirë që ka për drejtuesin aktual, Presidenti i bardhezinjve vlerëson njohuritë e Tares për futbollin ndërkombëtar dhe aftësitë e tij për të gjeneruar vlerë, duke afruar lojtarë të rinj me çmim të ulët, e më pas duke u dhënë mundsinë atyre që të rriten në klub.
Juvja nuk do të bëjë asnjë lëvizje përpara përfundimit të kontratës së Tares, por shqiptari është në planet e “Zonjës së Vjetër”.
Klube të tjera që kanë shprehur ineres për Taren në Serinë A, janë edhe Interi e Milani.
