Analisti Baton Haxhiu u shpreh i befasuar në EuroNews Albania nga frymëzimi dhe propozimet konkrete të ish-Kryeministrit Sali Berisha.
Ai tha se kreu i PD, Lulzim Basha tashmë është i detyruar që t’i përgjigjet.
“Basha duhet të futet në betejë dhe t’i përgjigjet. Tani ka dalë me propozime konkrete dhe Basha duhet t’i përgjigjet”, tha ai.
Baton Haxhiu thotë se propozimet do ta bënin me demokratike PD edhe pse vijnë nga njeriu i gabuar.
Haxhiu tha se ato që thotë Berisha për PD janë të vërteta.
“Por ajo që më habit është guximi i militantëve dhe mbështetja e madhe që ata po i japin Berishës. Basha nuk duhet të fshihet më dhe të dalë në bazë përballë Berishës”, tha Haxhiu.
