Dhuna në futboll nuk ka munguar, edhe pse ndodh rrallë. Këtë herë ka ndodhur një incident i pazakontë, në një takim të divizionit të dytë të kampionatit Gaucho (liga e gjashtë).
Takimi mes Guarani-VA dhe S.C Sao Paulo është ndërprerë pasi futbollsti Ëilliam Ribeiro ka goditur arbitrin Rodrigo Crivellaro.
Ai është transportuar në spital nga autoambulanca, ndërkohë që futbollisti është ndalur në moment nga forcat e rendit.
Sa i takon gjendjes së arbitrit, ai ka qenë i pavetëdijshëm për disa momente pas goditjes por nën kujdesin e vazhdueshëm të mjekëve gjendja e tij është normalizuar.
Klubi i Sao Paolo ka kërkuar falje dhe ka dënuar aktin e lojtarit të tyre. Ndeshja ishte 1-0 në favor të Guarani, ndërkohë që Federata e Futbollit e Gaucho do të marrë një vendim nëse ndeshja do të vazhdojë dhe për detaje të tjera.
