Sulmuesi i Partizanit, Tedi Cara, ende po pret të shënojë golin e parë në Superiore, por kjo gjë nuk e ka penguar që të jetë protagonist kryesor për “demat”.
Në katër ndeshjet e para të kampionatit, Cara ka arritur të fitojë tre penallti, pra, të gjitha penalltitë e Partizanit. 21-vjeçari fitoi penallti kundër Teutës, Skënderbeut dhe Dinamos duke treguar se është një driblues shumë i mirë në zonë dhe një lojtar i zgjuar, edhe pse në një moshë shumë të re.
Cara ka treguar edhe cilësi të mira pozicionimi në fushën e lojës, pasi ka qenë në fund të shumë aksioneve të rrezikshme, por finalizimi duket se është një cilësi që sulmuesi duhet ta përmirësojë sa më shpejt të jetë e mundur.
