Prindër të nxënësve të shkollës Lef Sallata në Vlorë janë mbledhur sot në shenjë proteste për të kundërshtuar mësimin e pasdites. Mësohet se prindërit që kanë dalë sot në protestë janë kryesisht të fëmijëve të një klase të tretë dhe të pestë që janë të vetmit që po vijojnë mësimin pasdite.
“Po erdhën fëmijët u dogjën, ngelën pasdite pastaj. Unë nuk e sjell për veten time, ose do të shkojë në shkollë tjetër,” shprehet një prind.
Ndërsa një mësuese e nxënësve të klasës së 3 thotë se fajin nuk e ka drejtoria pasi nuk ka hapësirë mjaftueshem ne shkolle e megjithate mund të gjendet një zgjidhje.
Mësuesja: Po pritet një letër zyrtare, aktualisht shkolla nuk ka ambiente por gjithmonë ka zgjidhje, patjetër paradite është më mirë sepse fëmijët janë shumë të vegjël.
Kujtojmë se ditën e sotme nisi mësimi i plotë nëpër të gjithë shkollat e vendit. Kjo është hera e parë që nxënësit do të frekuentojnë normalisht shkollat dhe do të jenë ne klasat e tyre njësoj siç ishin para pandemisë së Covid-19.
