Kreu i Këshillit Kombëtar të PD, Edi Paloka, ka kundërshtuar kreun demokrat Lulzim Basha, lidhur me qëndrimin që mbajti dje duke propozuar 7 pika për zgjidhjen e krizës, pasi Kryeministri Edi Rama njoftoi se vendi do të përballej me krizën energjitike.
Në reagimin e tij, duket se Paloka nuk është dakord me konstatimet e Bashës dhe as me propozimet e tij me 7 pika për daljen nga situata. Sipas tij, zgjidhja është rrëzimi i regjimit.
“Nuk e ka fajin kriza botërore jo! Asnjë lidhje nuk ka !
Po kur shteti drejtohet nga hajdutë dallkaukë si Rampalla që vendos në krye të OSHE-së një tjetër hajdut dallkauk , sigurisht këtu do përfundojmë!
Çela nuk është vënë aty për të menaxhuar as energjinë e as paratë që paguajnë shqiptarët që ta kenë energjinë. Çela është aty për të vjedhur paratë e shqiptarëve që pastaj me një pjesë të vogël të parave që ju ka vjedhur, t’ju blejë dhe votën në zgjedhje ! E me hajdutë-dallkaukë të tillë është mbushur gjithë kupola drejtuese e administratës!
Kjo situatë nuk zgjidhet as me shtatë e as me tetë pika, por duke përmbysur këtë regjim hajduto-dallkaukësh që ka marrë peng një popull të tërë!”, shkruan Paloka.
