Lori Hoxha zbuloi ditën e djeshme kërkesën më të çuditshme të një prej personazheve VIP që ishte ftuar për të qenë pjesë e “Big Brother”. Lori tha që personazhi në fjalë ka kërkuar ta marrë edhe fëmijën e vogël me vete.
“S’e kemi pranuar të marrë fëmijën me vete. E menduam dhe thamë që s’është etike dhe ishte jashtë rregullave”- tha Lori Hoxha.
Këngëtarja Linda Halimi, e cila prej vitesh jeton në Amerikë, zbuloi se ishte ajo që kishte bërë këtë kërkesë. Ndërkohë, e pyetur nga Alban Ramosaj në koment se a do të jetë pjesë e programit, ajo u përgjigj se këtë vit jo pasi ka fatura për të paguar.
“Jo këtë vit. Nuk mund të rri 100 ditë pa paguar! Nuk kishte oferta pagese për t’u bërë pjesë, thjesht “shpresë” për të fitur 100 mijë euro dhe unë kam fatura për të paguar”- u përgjigj ajo.
