Në Korçë, u regjistrua sërish në barazim në Abissnet Superiore. Skënderbeu dhe Vllaznia u ndanë në një barazim pa gola që do të ketë edhe polemika për një karton të kuq ndaj Adilit të Vllaznisë.
Ky i fundit mori një karton të verdhë që në fillim të pjesës së pare por rastet konkrete mungojnë duke përjashtuar goditjen e shtyllës nga Vllaznia në 41’.
Por në fundin e saj, pikërisht Adili përfshihet në një debat me dy lojtarë të Skënderbeut e me t’u kthyer në fushë për 45 minutat e tjera ai ndëshkohet me një tjetër të verdhë bashkë me dy lojtarët korçarë. E për më tepër, duke dalur nga fusha, lojtari i Vllaznisë desh u përplas fizikisht edhe me trajnerin Memelli.
Gjithsesi, sfida u kushtëzua nga ky karton i kuq edhe pse Vllaznia tentoi sërish me disa raste për të shënuar por nuk ia arriti.
Edhe me zëvendësimet e bëra nga të dyja skuadrat, rezultati nuk ndryshon duke përfunduar në barazim pa gola. Vllaznia mbetet kështu në vendin e dytë me 6 pikë për momentin ndërsa Skënderbeu e sheh veten të tetin me 3 pikë të grumbulluar.
