Historia e Beyhan Mutlu u bë virale ditën e djeshme në rrjete sociale.
Pasi piu me miqtë e tij në pyll natën e 28 shtatorit në rrethin Inegol, Turqi Mutlu u largua për të shkuar në shtëpi.
Pas një kohe miku i tij takon gruan e Beyhan Mutlu e cila i tregoi se po i telefononte bashkëshortit të saj por nuk po i përgjigjej, miku i Mutlus mendoi se ai mund të ksihte humbur në pyll dhe njoftoi policinë, të cilët filluan kërkimin në pyll.
Në lidhje me këtë histori Mutlu është shprehur për mediat turke:
‘Në ditën e incidentit po pija së bashku me mikun tim në Inegol. Ishte vonë dhe u largova. I thashë se do shkoja në një shtëpi tjetër për të pushuar, por siç duket ai nuk më kishte kuptuar. Kam fjetur rreth orës 01:00 të mëngjesit, u zgjova rreth orës 05:00 të mëngjesit. Kur pashë skuadrat jashtë, shkova tek ata dhe i pyeta se çfarë kishte ndodhur. Ata thanë se ishte zhdukur një person. Unë u bashkova me ta dhe fillova të kërkoja personin e zhdukur. Unë iu bashkova kërkimit pa e ditur se kush ishte personi i zhdukur. Pas rreth gjysmë ore ecje, kuptova që ekipet po më kërkonin mua pasi ato bërtisnin ” Beyhan Mutlu’’. Duke dëgjuar emrin tim, një djersë e ftohtë më shpërtheu. Ju thashë se isha unë por ata nuk më besuan. Situata u zgjidh kur shoku im Mesut më pa. Kur ata ishin të sigurt se isha unë, ekipet buzëqeshën’.
Mutlu tha se ai nuk i ka ndjekur lajmet nga shtypi i huaj të cilët e paraqitën atë si ‘njeriu që kërkon veten’ dhe se ishte në axhendën e mediave sociale.
”Nuk kam lexuar asnjë lajm. Telefoni nuk punon shumë mirë këtu. Unë punoj në ndërtim. Do të doja të falënderoja ekipet komanduese të xhandarmërisë dhe ekipet e kërkim -shpëtimit që më mbështetën në rastin e zhdukjes. Përshëndetje për të gjithë. Nuk më intereson bota. “është shprehur Mutlu.
