Eksperti i arsimit, Ndriçim Mehmeti, në një intervistë në Syri Tv, i ka drejtuar një apel prindërve që të vendosin bojkimin e mësimit të fëmijëve të tyre, në kushtet siç po zhvillohet aktualisht, me orë të shkurtuara dhe me turne.
Mehmeti thekson se 143 shkolla janë shkatërruar nga tërmeti, duke shtuar se prindërit duhet të bojkotojnë fare mësimin e ta çojnë deri në fund betejën që kanë nisur.
“Peticioni është nismë e mirë, por nuk mjafton. Prindërit do bënin mirë të bojkotojnë mësimin, do bënim mirë t’i nxirrnin nga zyrat, duhet të bëjnë gjithçka për fëmijët e tyre. Unë përshëndes mbledhjet e prindërve, duhet çuar deri në fund.
Fëmijët lëvizin si në ato kurset e analfebetizmit dikur. Janë 143 shkolla të shkatërruara nga tërmeti. Prindërit dhe e gjithë shoqëria duhet të bëjmë bisedë serioze për arsimin. Askush s’mund të luajë me të ardhmen e fëmijëve”, u shpreh Mehmeti.
