Deputetja demokrate Flutura Açka tha se “Foltoret” e organizuara nga ish-kryeministri Sali Berisha do ta përçanin Partinë Demokratike në një kohë që partia ka nevojë që të përballet me kundërshtarin politik.
Gjatë intervistës në “News 24”, Açka tha se ish-kryeministri Sali Berisha nuk është përjashtuar, por pezulluar. Ajo theksoi se nuk është momenti për të zhvilluar një Kuvend brenda PD-së.
“Ata njerëz që kanë 8 vjet Saliu Saliu, Saliu do të fillonin ti je non grata, ti je non grata. Unë personalisht si Flutur për këtë simpati dhe dashuri personale që kam ndaj zotit Berisha nuk do ta pranoja kurrë.
Do të isha një njeri i frustruar çdo sekondë në parlament nëse dikush nga këta eksponentë të mazhorancës të cilët i di shumë mirë që kanë ardhur aty me vota të vjedhura, i di shumë mirë se çfarë kanë bërë me bandat në Elbasan të vinin dhe të merreshin me zotin Berisha mëngjes, drekë, darkë. Për mua do të ishte shumë frustuese dhe fyese për qënien time si demokrate edhe si njeri që jam pjesë e PD.
Prandaj do të thosha që ky pezullim i momentit duhet të mos keqinterpretohet. Çështja është tek keqinterpretimi. Berisha është senior i rëndësishëm.
Madje unë do t’jua sugjeroja, nëse ma dëgjojnë këshillën, të bëhej edhe një lloj komisioni të mençurish, të urtish për të gjykuar vendime që kryesia mund t’i ketë marrë gabim, që kryetari mund t’i ketë marrë gabim.
Partia Demokratike i ka 15 njerëz të mençur. Dhe unë do të propozoja që një komision të urtësh të ishte në PD që të mund të neutralizonte çdo lloj gabimi të mundshëm që mund të vijë edhe për shkak të emocionit të momentit.
Të njëjtët njerëz që janë në Parlament me zërin e tyre të fortë janë prezentë në foltoren e Berishës dhe ndërkohë janë në strukturat e Bashës dhe drejtohen nga Lulzim Basha.
Berisha do të arrijë në një konkluzion që partia është e para. Berisha nuk mund të kundërshtojë një vendim të marrë dhe nuk mund ta kthejë Partinë Demokratike në një skalion që është një bandë që është kundër Amerikës.
PD është parti e hapur. Ka një lloj irritimi. Nuk mendoj se është koha e duhur për mbajtjen e një Kuvendi. Pse jo një debat i hapur në PD. Unë nuk jam aty për të ndarë hise toke mes Bashës dhe Berishës”, tha Açka.
