Ylli i pop-it, Britney Spears, ka fituar betejën ligjore me të atin. Gjykata në Los Angeles vendosi të mërkurën në favor të këngëtares, duke pezulluar babain e saj Jamie Spears, nga roli i kujdestarit të pasurisë dhe karrierës së saj. Gjykata vendosi si kujdestar të përkohshëm, kontabilistin John Zabel – i emëruar nga ekipi i këngëtares.
Britney ka jetuar nën mbikëqyrjen e të atit për 13 vite. Për pjesën më të madhe të kohës, të gjitha vendimet në lidhje me çështjet e saj personale, mjekësore dhe financiare janë kontrolluar plotësisht nga babai i saj.
Seanca e radhës për të ndërprerë tërësisht kujdestarinë është caktuar në Nëntor.
