Anila Bazelli me profesion mësuese, në moshën 46 vjeçare ka humbur jetën në Spitalin e Pogradecit.
Bashkëshorti i 46-vjeçares, Luan Bazelli për mediet shprehte se gruaja e tij kishte shkuar me këmbët e veta në spital dhe ka ndërruar jetë pasi i bënë gjilpërën në spital.
“Më gjatë nuk mund të vazhdoj dot për shkak dhe të dhimbjes që kam, por di që zonja ime ishte me shëndet të mirë. Di që zonja ime ka ikur nga mjekimi i pakujdesshëm. Në spital ka ikur me këmbët e saj, me tension normal. U bë gjilpëra ajo mbaroi”, tha ai.
Anila Bazelli u dërgua me urgjencë në spitalin e Pogradecit ditën e djeshme rreth orës 19:00 pasi nuk është ndjerë mirë.
Më vonë gjendja e saj shëndetësore u përkeqësua dhe si pasojë ndërroi jetë. Raportohet se 46-vjeçarja vuante nga astma, por sapo ka mbërritur në urgjencë dhe ka filluar ekzaminimi, ka ndërruar jetë.
