Sindikata e Pavarur e Arsimtarëve i kërkon Qeverisë që të sigurojë tamponë falas për mësuesit që për një arsye ose një tjetër nuk kanë marrë vaksinat anti-Covid, ose t´u rimbursojë atyre shpenzimet për tamponët.
Isa Halilaj, nënkryetar i Sindikatës së Pavarur të Arsimtarëve, i ka drejtuar një thirrje autoriteteve shëndetësore në vend që të forcojnë rolin e mjekut të familjes, dhe të jetë ky i fundit, që duhet të përcaktojë sepse një individ nuk duhet të bëjë vaksinën.
“Mjeku i familjes njeh gjendjen shëndetësore të pacientëve të vet. Kjo do të thotë se duhet të jetë mjeku i familjes ai që duhet të vendosë, do të vaksinohet apo jo”, shprehet Halilaj.
Referuar shifrave, mbi 50 % e arsimtarëve në sistemin publik dhe privat kanë marrë një apo dy doza anti-Covid.
Që pas 30 shtatorit mësuesit nuk mund të paraqiten në shkollë pa kartë vaksinimi apo pa tampon. Këtë të fundit duhet ta kryejnë privatisht një herë në javë.
