Ish-Kryeministri Sali Berisha zhvillon sot “Foltoren” e rradhës në qytetin e Durrësit, atje ku takimeve me qytetarët iu bashkuan edhe deputetët demokrat Edi Paloka dhe Oerd Bylykbashi.
E ndërsa në Fier dhe Vlorë, Berishën e ka shoqëruar deputeti Flamur Noka, ndërsa ishin të pranishëm deputetët Luan Baçi dhe Bujar Leskaj, në Durrës prezent në takim janë edhe dy deputetët demokratë të Qarkut të Durrësit, Oerd Bylykbashi dhe Edi Paloka, kreu i Këshillit Kombëtar të PD.
Ndërkohë të pranishëm janë edhe ish-deputeti Igli Cara, por edhe ish-Kryetari i degës së PD, Osman Stafa.
Ish-Kryeministra është pritur nga disa dhjetra anëtarë të PD në zonën e Sukthit, që kanë zgjedhur të shoqërojnë Berishën në aksin rrugor drejt Pallatit të Kulturës në qendër të qytetit bregdetar, atje ku do të zhvillohet takimi me qytetarët.
Berisha ka zhvilluar deri më tani 3 foltore, në Tiranë, Fier dhe Vlorë.Turi i takimeve me anëtarët e PD nga ish-Kryeministri ka nisur me 16 shtator, për të vijuar me 21 shtator në Fier dhe me 25 shtator në Vlorë.
