Rikthehet pas 11 vitesh derbi Dinamo-Partizani, ja stadiumi ku do të luhet supersfida

Dinamo u rikthye në elitë pas 9 vitesh mungesë dhe tifozët mezi po prisnin derbin e parë të kryeqytetit. Dy skuadrat sfidën e fundit në Superiore e kanë luajtur më shumë se 11 vite më parë, ndërsa të premten ritakohen sërish por jo në kryeqytet.

Klubi blu ka bërë të gjitha përpjekjet që derbi me Partizanin të luhej në “Air Albania”, ku tifozët mund të jenë më të shumtë, por duket se fusha e këtij stadiumi nuk është gati. Pra, pas 9 vitesh pritjeje, tifozët dinamovitë jo vetëm që duhet të blejnë biletën e stadiumit për të ndjekur derbin e parë, por duhet të blejnë edhe biletë autobusi dhe të bëjnë kilometra të shumtë.

Mungesa e infrastrukturës, sa u takon stadiumeve, detyron ekipet të braktisin tifozët e tyre dhe të degdisen në qytete të tjera, si Teuta, Laçi, Teuta, Partizani etj. Mbetet për t’u parë se deri kur do të vazhdojë ky problem me futbollin shqiptar, por është për të ardhur keq që situata është katandisur deri këtu, aq sa tifozët duhet të bëjnë kilometra të tërë edhe për ndeshjet “në shtëpi”.

LEXO EDHE  Shënoi në Premier League, Broja i emocionuar pas ndeshjes: E kam ëndërruar që kur isha 3 vjeç

Pritet që presidenti Bardhi të vendosë në dispozicion të tifozëve autobusë falas, por kjo nuk është zgjidhje. Që çdo ekip të ketë stadiumin e vet dhe të ndiejë ngrohtësinë e tifozëve, besojmë se kjo është zgjidhja më e mirë e kësaj situate e cila është krijuar, që duhet thënë, është absurde.