Fut në lojë edhe Këshillin Bashkiak/ Veliaj “vjel” gjobat e Tahirit, shemb pallatin 3-katësh te Petro Nini

Kryetari i Bashkise se Tiranes, Erion Veliaj dhe Interior Minister Saimir Tahiri, gjate nje aktiviteti te organizuar ne sheshin “Nene Tereza”, me rastin e 7 vjetorit te anetaresimit te Shqiperise ne Aleancen e Atlantikut te Veriut, NATO. /r/n/r/nUS Ambassador in Tirana, Donald Lu and Tirana's Mayor, Erion Veliaj, during an event organized in the "Mother Teresa" square, on the occasion of the 7th anniversary of Albania's membership in the North Atlantic Alliance, NATO.

Nga Boldnews.al

Në fillim të vitit 2013, disa muaj para se Rilindja të merrte timonin qeverisës, deputeti i atëhershëm i PS-së, Saimir Tahiri, kundërshtoi me forcë nxjerrjen e dhjetëra familjeve nga një pallat 3-katësh në afërsi të shkollës Petro Nini Luarasi.

Por, pas 8 viteve në pushtet, mazhoranca është kujdesur me “letra” që t’i nxjerrë në rrugë të madhe këto familje.
Kryetari i Bashkisë së Tiranës, Erion Veliaj, ka përdorur në këtë rast tërmetin.

Megjithëse për pak javë mbushen 2 vite nga tërmeti i 26 nëntorit 2019, Lali Eri vijon që ta përdorë për shembjen e godinave, duke krijuar sheshe të reja ndërtimi.

Ai ka vendosur që IMT të shembë këtë pallat, me arsyetimin se është i rrezikshëm! Por, gjatë këtyre muajve, si u lanë në këtë pallat këto familje? Përse tani? Dhe, a po i shërbën IMT-ja firmës së ndërtimit?


Faksimile: Kallëzimi i banorëve të pallatit, drejtuar prokurorisë së Tiranës

Pa dashur të bëjmë shumë komente, më poshtë po botojmë të plotë kallëzimin e banorëve drejtuar prokurorisë së Tiranës. Në këtë kallëzim detajohen veprimet e IMT-së, që i vjen në ndihmë firmës së ndërtimit.

*

I nderuar Z. Prokuror,

Ne banorët e pallatit 15, rruga “Margarita Tutulani” Njësia Nr.5 Tiranë, i drejtohemi prokurorisë të Rrethit Gjyqësor Tiranë për të bërë një kallzim penal në lidhje me rrethimin e godinës ku ne banojmë, nga Inspektoriati i Mbrojtjes së Territorit Tiranë (IMT), në datën 24.09.2021, ora 4 pm, kemi konstatuar se objekti ku ne banojmë është rrethuar me shirit i cili mban emrin “Bashkia Tiranë – Inspektoriati i Mbrojtjes së Territorit” (foto bashkëlidhur).

Ne si banorë kemi mbi 80 vite (nga viti 1944) që banojmë në këtë godinë, në vitin 1994 na është hequr e drejta e privatizimit të njësive të banimit (apartament) për këtë objekt, duke u ndodhur në këtë situatë kemi hapur process gjyqësor kundër vendimit të Komisionit Kthim Kompensimit të Pronave (KKKP) sot Agjencia e Trajtimit të Pronës (ATP).

Nga viti 1995 dhe deri më sot vijojmë të jemi në process gjyqësor, në vitin 2015 ATP konstatoi se Vendimi i Kthim Kompesimit të Pronave kundrejt pronarëve (pretendent) ishte i bazuar në dokumentacion të manipuluar dhe fallcifikuar, ndaj ATP në datë 27.10.2015 Prot Nr. 3551/5 (me të sajën) ka depozituar kallzimin penal me Nr. 14101 drejtuar z.Petri Fusha (prokuror i prokurorisë së rrethit gjyqësor Tiranë), Ervin Hoda (drejtori policisë së qarkut Tiranë) për dijeni z. Adriatik Llalla (prokuror i përgjithshëm) Alma Hicka (avokat i përgjithshëm i Shtetit) me bazë ligjore referuar kallzimit të ATP bashkëngjitur këtij kallzimi.

LEXO EDHE  Helmimi në Krujë, prokuroria: Jemi në pritje të akt-ekspertimeve

Për rreth 1 vit procesi gjyqësor mbeti i pushuar pasi ishim në pritje nga ana e Prokurorisë të dilte me një vendim, kundrejt ATP. Në datën 19.01.2016 Prokuroria e rrethit gjyqësor Tiranë me prokurore Ida Ahmetlli, del me Urdhërimin “Të kryhet regjistrimi i procedimit penal për veprën penale shpërdorim i detyrës“ të parashikuar nga neni 248 i Kodit Penal (vendimi bashkëlidhur këtij kallzimi).

Më pas u rihap procesi gjyqësor, proces ky i cili vijon të mbetet në gjykim nga Gjykata e Rrethit Gjyqësor Tiranë, me gjyqëtare znj. Blerina Muca, numri cështjes 54. Dt. 29.10. 2012.

Aktualisht të ndodhur para kësaj situate referuar rrethimit të godinës datë 24.09.2021 si edhe të pa informuar nga askush në mënyrë zyrtare mbi këtë rrethim të sipërpërmendur nga IMT, kërkuam informacion nga punonjës specialist dhe na u komunikua vetëm verbalisht se ishin në dijeni por akoma nuk kishte një vendimarrje për prishjen e kësaj godine.

I/E nderuar Prokuror,

Lutem të kërkoni të pezullohen të gjitha veprimet apo vendimarrjet drejtuar nga IMT/ IKMT, pasi vënia e një shiriti rrethues nga ana e IMT pa njoftuar dhe pa komunikuar zyrtarisht me banorët mbi çbazë tekniko-ligjore merret ky veprim, përbën Vepër Penale, duke i cënuar këtyre të fundit të drejtën e pronës.

Theksojmë gjithashtu se kjo nisëm me synim prishjen e godinës me process kaq të përshpejtuar, për ne si banor ndikon drejtpërdrejt në finalizimin e vendimarrjes së procesit gjyqësor që po vijon ende, si edhe na humbet Kauzën e Cështjes Civile për rikthimin e të drejtës së pronesisë sic parashikohet në Akt Padi.

Për këtë rrethane aspakt transparente dhe shumë të dyshimtë ne po atë ditë që është bërë rrethimi i jemi drejtuar edhe komisariatit Nr.2 Tiranë për kallëzimin e Veprës Penale si edhe do të vijojmë të kërkojmë të drejten tonë që na takon nga viti 1994, edhe në instance më të larta vendomarrëse, bashkangjitur keni edhe kopje të kallzimit penal në komisariatin Nr.2 Tiranë.

Duke ju falenderuar paraprakisht, mbetemi në pritje të një vendimarrje sa më të shpejt të jetë e mundur, nga ana Juaj!

Firmat e Banorëve në faqen në vijim;
Me Konsideratë;
Z. Agron Bardhi
Z. Beqir Kalemi
Z. Tomorr Mecani
Z. Sofie Panteqi
Z. Islam Nazja
Z. Saimir Dani
Z. Ramazan Lila
Z. Arjan Mucollari
Z. Demir Pojani perfaqësuar me prokure nga Z. Agim Kallaku