Në një mbrëmje të çuditshme të Champions League ndodh gjithçka. Lionel Messi gjen golin e parë me PSG ndërsa Real Madrid turpërohet 1-2 nga Sheriff Tiraspol.
Në “Parc de Princes”, Paris Saint Germain, mori një fitore të madhe ndaj rivalëve të Man. City me rezultatin 2-0 ku Messi arriti të gjente golin e parë me parizienët dhe të dytin e ndeshjes në minutën e 74’. Ndërkohë që Gueye që në minutën e 8’ kaloi në epëri vendasit. Po për Grupin A, Clube Brugge bëri surprizën duke mundur 2-1 Leipzig në Gjermani dhe duke u bërë kryesuesi me 4 pikë bashkë me PSG-në.
Ndërkohë që surprizën e madhe e bëri Sheriff Tiraspol. Ekipi moldav është surpriza e madhe e këtij edicioni të Champions League ku pas fitores së parë ndaj Shakhtar arriti të bënte gjëmën edhe në “Bernabeu” me një fitore spektakolare 2-1 ndaj ekipit të Ancelottit.
Në 24’, Yakshiboev kaloi në epërsi miqtë por Benzema me penallti në 65’ vuri barazpeshën dhe në 89’ moldavët në një aksion të shpejtë shënuan sërish duke shokuar Realin me fitoren 2-1.
