Vrasja tragjike e mësueses në Angli pak ditë më parë është pasuar me arrestimin e një shqiptari, pasi dyshohet se të jetë vrasësi i Sabina Nessa.
Shqiptari 36-vjeçar Koci Selamaj, u arrestua gjatë një bastisje që u bë sot në mëngjes bën banesën e tij në Eastbourne, East Sussex, raporton Daily Mail.
Sipas policisë, mësohet se ata ndoqën një makinë që ishte përdorur nga ai pas krimit dhe arritën të zbulonin banesën ku jetonte.
Lidhur me vrasjen e mësueses, policia ka arrestuar dhe 2 persona të tjerë por ata do të hetohen në gjendje të lirë.
Ndërkohë, shqiptari njihej nga fqinjët e tij si person shumë i qetë. “Është një person shumë i qetë. Punonte me shpërndarjen e ushqimit të gatshëm”, -tha një fqinj i tij.
Po ashtu, një fqinj tjetër tha se shqiptari shihte punën e tij. “Ka qenë një person i padëmshëm, shikonte gjithmonë punën e tij“, tha ai.
Vrasja e Sabina Nessa ndodhi pak ditë më parë, ku 28-vjeçarja u godit me armë në kokë.
