3 persona kanë humbur jetën dhe 50 të tjerë janë lënduar pasi një tren doli nga shinat në Montana të Shteteve të Bashkuara të Amerikës.
Mediat e huaja shkruajnë se disa vagonë u shkëputën nga lokomotiva rreth orës 16:00 sipas orës lokale në afërsi të fshatit Joplin. Sipas mediave të huaja në tren ishin 141 pasagjerë dhe 16 persona nga stafi.
Ekipet e shpëtimit kanë punuar për të evakuar pasagjerët, bëri me dije kompania. Ndërkohë që Bordi Kombëtar i Udhëtimit po heton për aksidentin.
Treni ishte duke udhëtuar nga Chicago për në Seattle dhe Portland.
