Genc Pollo, ish-ministër dhe ish-deputet i PD, përmes një postimi në rrjetet sociale, shprehet se nëse Kryeministri Edi Rama do të shkojë në Prishtinë, të paktën duhet të ketë pezulluar anëtarësinë e Shqipërisë në “Open Balkan”.
Pollo shkruan se tani që Serbia e Vućiči veç kërcënimeve verbale dislokojnë trupa, tanke e avionë në kufirin me Kosovën më e pakta që mund të bëjë qeveria Rama është braktisja e nismës MiniShengen/Hapu Ballkan.
“Kërcënimi me dhunë e armë është antipodi i “4 lirive europiane”
Nëse Rama shkon në Prishtinë nesër (të hënën) të paktën duhet të ketë pezulluar anëtarësinë e Shqipërisë në Minishengen/Hapu Ballkan!”, shkruan Pollo.
