Gëzim Ndrezaj është personi i plagosur në Theth të Shkodrës. Konflikti mësohet se ka nisur për prishje të pazareve, më pas autori ka nxjerrë automatikun dhe ka qëlluar njëherë në këmbë 47-vjeçarin.
I plagosuri punonte si murator në bujtinat e zonës. “Autori më kërkoi që të bëj një punë, i thashë se nuk kam mundësi. E njoh autorin.
Është vendali. Më plagosi me automatik. Ngjarja nuk ka shumë që ka ndodhur, ai ishte me makinë”, ka thënë Ndrezaj.
Ndrezaj u nis me urgjencë në Spitalin e Shkodrës, ndërsa policia ka identifikuar autorin e është vënë në kërkim të tij.
