Radhë të gjata ku me mijëra njerëz presin të furnizohen me karburant dhe pastaj grushte dhe shkelma.
Këto ishin pamjet e frukshme që erdhën një ditë më parë nga Britania e cila po përballet me krizën e mungesës së shoferëve të kamionëve, duke sjellë një defiçit në furnizimin me karburant dhe ushqime.
Mungesa e shoferëve të kualifikuar ka goditur zinxhirët e furnizimit në mbarë vendin.
Fill pas këtyre ngjarjeve, Qeveria britanike njoftoi se do të japë më shumë se 10.000 viza të përkohshme për shoferët e kamionëve dhe punëtorët që mund të kujdesen për shpendët për të ndihmuar në lehtësimin e çështjeve të zinxhirit të furnizimit në prag të Krishtlindjeve.
Departamenti i Transportit tha se do të lëshojë viza tre mujore për 5,000 shoferë kamionësh për të siguruar “lehtësim afatshkurtër për industrinë e transportit” dhe 5,500 të tjerë për punëtorët e shpendëve “për të shmangur çdo presion të mundshëm të mëtejshëm në industrinë ushqimore gjatë kësaj periudhe të jashtëzakonshme “.
