Në ditën e 7 të kufirit të mbyllur në Kosovë, nga serbët lokalë, ka reaguar ambasadori gjerman në Kosovë, Jorn Rohde. Reagimi i tij vjen një ditë pas situata u tensionuar më shumë. Përmes një postimi në tëitter, Rohde shkruan:
“Situata në veri ka nevojë për deeskalim. Unë i bëj thirrje të dyja palëve që të flasin me njëri -tjetrin në vend se të fajësojnë njëri -tjetrit. Mënyra më e mirë përpara: Takohuni në Bruksel për të gjetur një rrugëdalje sa më shpejt të jetë e mundur.”
Lidhur me situatën në veri ka reaguar edhe diplomatja gjermane Susanne Schutz. Schutz përmes një postimi në Tëitter, ka shkruar se çdo provokim mes kufirit Kosovë-Serbi duhet të ndalet.
“Çdo provokim në kufirin mes Kosovës dhe Serbisë duhet të ndalet. Ne i bëjmë thirrje të dyja palëve që të deeskalojnë dhe të takohen sa më shpejt të jetë e mundur. Mbështetje e plotë nga Bashkimi Evropian Miroslav Lajcak, Josep Borrell”, ka shkruar Schutz
