Agjenda/ Përveç Kurtit, Rama do takojë edhe Haradinajn gjatë vizitës në Kosovë

Kryeministri Edi Rama do të vizitojë të hënën Kosovën në një kohë kur veriu i vendit është përfshirë në një valë trazirash për shkak të vendosjes së reciprocitetit me targat serbe.

Sipas axhendës së publikuar, Rama do të mbërrijë së pari në Kryeministri ku edhe do të zhvillojë një takim me homologun e tij, Albin Kurti. Vëmendja pritet të përqendrohet te situata në veri, por nuk do të mbeten jashtë vëmendjes as nisma “Ballkani i hapur”. Pas takimit, Rama dhe Kurti dy do të dalin në një konferencë për mediat.

LEXO EDHE  Droga në Durrës/ U sekuestrua 45.5 kg heroinë, dy të arrestuar

Më pas, Rama do të takohet njëri pas tjetrit edhe me 3 liderët e opozitës, kreun e LDK-së Lumir Abdixhiku, kryetarin e PDK-së, Memli Krasniqi si dhe liderin e AAK-së Ramush Haradinaj.

Interesant do të jetë takimi me Haradinajn, me të cilin Rama ka pasur përplasje në distancë. Po ashtu, gjatë qëndrimit në Kosovë, Rama do të dekorojë edhe akademikun, Rexhep Qosja.