Një vajzë 4-vjeçe është pickuar nga një gjarpër në një fshat në Delvinë. E mitura E.I. banonte në Sarandë por kishte shkuar tek gjyshja në fshatin Bamatat të Delvinës.
Ajo ka qenë duke luajtur në momentin kur është pickuar nga një gjarpër në këmbë.
Fillimisht e mitura është transportuar me urgjencë në spitalin e Sarandës. Aty ka marrë ndihmën e parë, ndërsa më pas është vendosur që e mitura të transportohet drejt Tiranës me helikopter, për të marrë ndihmë më të specializuar.
