Liverpool barazoi 3-3 në transfertë ndaj Brentford, duke marrë pikën që i mjafton për t’u ngjitur përkohësisht i vetëm në krye të renditjes së Premier League.
Diogo Jota, Salah dhe Jones ishin autorët e golave për ekipin e drejtuar nga Jurgen Klopp, ndërkohë që për vendasit shënuan Pinnock, Janelt dhe Wissa.
Me këtë barazim, “The Reds” ngjiten në krye të klasifikimit me 14 pikë në 6 ndeshje të luajtura, një pikë më shumë sesa Manchester City, Manchester United, Chelsea dhe Everton.
Ngjeshja në krye të renditjes në Premier League mund të bëjë që në fund të kësaj jave të ketë një kryesues të papritur, pasi Brighton mund të lërë pas të gjithë emrat e mësipërm nëse do të fitojë nesër ndaj Crystal Palace.
