Manjani mesazh për Yuri Kim: Pash hatrin e t’madhit Zot, na e kurseni imazhin e mirë që ende kemi për demokracinë Amerikane

Ish-ministri i Drejtësisë, Ylli Manjani ka lëshuar akuza ndaj ambasadores amerikane në Tiranës, lidhur me deklaratat e Yuri Kim pas takimit të djeshëm në selinë e PD.

Manjani shprehet se marrëdhëniet diplomatike një shtet i vendos me një shtet tjetër. “Shtetet komunikojnë e bashkëpunojnë me njëri-tjetrin ndaj dhe quhet bashkëpunim ndërshtetëror. Janë konventa e akte ndërkombëtare pa fund që rregullojnë këto gjëra. Shteti i zonjës Kim, sipas kësaj të fundit kuptohet, paska 30 vjet që paska bashkëpunuar me PD, jo me shtetin Shqiptar”, shkruan ai në një postim në FB.

Më tej, shton: Hajde llogjikë, hajde! Hajde diplomaci, hajdeeee!  Shtetet nuk ndërtojnë aleanca me parti të vendeve të tjera. Me asnjë parti kudo qoftë e sado e madhe të jetë!!! Zaten kështu katandiset imazhi i një Ambasade kur ambasadori/ja bën detyrën e ministrit të propagandës. Dhe jo të propagandës së qeverisë që e ka emëruar, por të qeverisë në shtetin e të cilës shërben. Ky quhet amerikanllëk shqiptar. Pash hatrin e t’madhit zot na e kurseni imazhin e mirë që ende kemi për demokracinë Amerikane! Në emër të këtij imazhi rrefuzoj të dëgjoj e të besoj atë që thotë ministresha e propagandës, zonja Kim.

“Ndërkohë Lulit i ruajt Yuri vulën se partia e ka lënë. Shqipëria po e po. Ai nuk bind partinë e vet, të cilën e quan thjesht vulë, jo më Shqipërinë. Le të presë sa të mbijë bari, në i lëntë radhë gomari…”, përfundon ish-ministri.

LEXO EDHE  Basha për vettingun e politikanëve: Do pastrojmë politikën nga llumi i tranzicionit dhe veseve