Detaje të reja janë zbardhur nga debatet në mbledhjen e Grupit Parlamentar të PD, e cila u zhvillua sot në selinë de Partisë Demokratike.
Kryesisht debatet janë zhvilluar mes kreut demokrat, Lulzim Basha, dhe deputetit Flamur Noka, i cili nuk ka kursyer mbështetjen publike ndaj ish-Kryeministrit Sali Berisha, madje duke marrë pjesë edhe në takimet me bazën e Partisë Demokratike.
Noka duke iu drejtuar Bashës i ka kërkuar që të takojë anëtarët e PD, ndërsa kreu demokrat u shpreh se do të dilte në një tjetër moment, pasi nuk dëshironte ti hidhte benzinë zjarrit.
Debati mes Nokës dhe Bashës:
Noka: Deri në zgjedhjen e kryesisë e kishe kauzë politike “masakrën zgjedhore”, dhe pas zgjedhjes së kryesisë, ti e ktheve në therrime çështjen e masakrës zgjedhore.
Basha: S’ështe e vërtetë. Une e kam deklaruar dhe kam folur për masakrën në çdo dalje timen. Ju duhet të merrni informacion pranë prokurorive dhe të interesoheni për masakrën zgjedhore të 25 prillit, ashtu siç u bë me Vaun e Dejës.
Noka: Ti duhet të dalësh në terren, për tu shpjeguar demokratëve vendimin që more për përjashtimin e Berishës, se ke perçare demokratët.
Basha: Unë do dal, do kem aksion, por jo tani, se s’dua ti hedh benzinë zjarrit.
Noka: Ti i ke hedh tritolin.
