Yuri Kim i shkon Bashës në zyrë

Ambasadorja amerikane në Tiranë, Yuri Kim raportohet se do të ketë  një takim këtë pasdite me kryetarin e Partisë Demokratike, Lulzim Bashën, në selinë blu.

Takimi mes tyre vjen në një moment tensionesh në Partinë Demokratike, pasi Basha përjashtoi Berishën nga grupi parlamentar i PD. Distancimin e PD nga Berisha e kishte kërkuar më herët edhe publikisht ambasadorja amerikane Kim, e cila paralajmëroi se, në të kundërt, PD “do hajë bar”.

LEXO EDHE  Helmimi masiv i qytetarëve, deputetet e PD nga spitali i Krujës: Rama inauguroi gjatë fushatës tenderin korruptiv të ujësjellësit

Kundër vendimit është shprehur ish-kryeministri Sali Berisha, i cili ka nisur një tur takimesh me demokratë në qytete të ndryshme të vendit. Berisha ka paralajmëruar se do mblidhet Kuvendi i PD për vendimin e Bashës, për të cilin kërkon shkarkimin nga detyra e kryetarit të Partisë Demokratike.

Nga ana tjetër, Basha ka deklaruar se “mbledhje të Kuvendit të PD për të diskutuar vendimet e qeverisë amerikane nuk do të ketë”.