Genc Pollo, anëtar i Këshillit Kombëtar të Partisë Demokratike ka sqaruar rastet kur mblidhet Kuvendi Kombëtar i Partisë Demokratike.
Në një postim në rrjetet sociale, ish-deputeti dhe ish-ministri demokrat shkruan:
Statuti i Partise Demokratike
Neni 43
Kuvendi Kombëtar i Partisë
…
- Kuvendi Kombëtar mblidhet si rregull çdo katër vjet.
…
Kuvendi mund të mblidhet edhe kur e kërkojnë 1/4 e anëtarëve të PDSH-së ose 1/4 e anëtarëve të Kuvendit Kombëtar.
- Kuvendi Kombëtar ka kompetencë për:
…
ç) shkarkimin e Kryetarit të Partisë mbi bazën e një mocioni mosbesimi të miratuar nga më shumë se gjysma e të gjithë anëtarëve të Këshillit Kombëtar;
…
- Të drejtën për t’i bërë kërkesa dhe propozime Kuvendit Kombëtar, për çështje që janë në kompetencë të tij, përveç rasteve kur ky Statut përcakton ndryshe, e kanë Kryetari i Partisë, Këshilli Kombëtar, Kryesia e PDSH-së, ose jo më pak se pesëmbëdhjetë për qind e anëtarëve të Kuvendit me të drejtë vote, të shpërndarë në të paktën pesë Degë të PDSH-së.
Mbledhja e Kuvendit Kombëtar të Partisë Demokratike është paralajmëruar nga ish-kryeministri Sali Berisha pas vendimit të Lulzim Bashës, që e përjashtoi atë nga grupi parlamentar demokrat. Nga ana tjetër, kryetari i PD-së Basha është shprehur se Kuvend “për të diskutuar vendimet e qeverisë amerikane nuk do të ketë”.
