DETAJE/ 76-vjeçari qëlloi të vëllanë me armë zjarri për motive pronësie, ku u fsheh pas krimit (VIDEO)

Plagosja e Faik Veliut nga i vëllai mëngjesin e sotëm ka ndodhur për motive pronësie. 65-vjeçari Faik Veliu u qëllua me armë zjarri në fshatin Ngurrëz e Vogël-Lushnjë (ku edhe jetonte) nga i vëllai 76-vjeçar Sami Veliu. I plagosuri është dërguar në spital dhe sipas policisë, ndodhet jashtë rrezikut për jetën.

Ngjarja

Sipas një rindërtimi paraprak të ngjarjes nga policia:

Faik Veliu, rreth orës 05:00, ka dalë jashtë banesës për tu kujdesur për bagëtitë e tij dhe është goditur me armë zjarri automatik nga largësia nga një person të cilin ai nuk arriti ta shikonte.

Autori u largua nga vendngjarja dhe u fsheh në një banesë të braktisur në fshatin Ngurrëz e Vogël.

Pas marrjes së njoftimit se në spitalin e Lushnjës ka shkuar i plagosur me armë zjarri 65-vjeçari, menjëherë është ngritur grupi hetimor. Pas krehjes së zonës dhe veprimeve hetimore operacionale, Policia bëri të mundur kapjen e autorit bashkë me armën e zjarrit, një kallëp tritoli bashkë me ndezësin dhe fishekë luftarakë.

LEXO EDHE  Uji i “bekuar” nga Rama helmoi Krujën

Nga tërësia e veprimeve hetimore rezulton se Sami Veliu ka qëlluar me armë zjarri kundrejt vëllait të tij për motive pronësie.

Akuzat

Ndaj 76-vjeçarit rëndon akuza për veprat penale “Vrasja në rrethana të tjera cilësuese” e mbetur në tentativë dhe “Mbajtja pa leje e armëve dhe municionit luftarak” shtetasin Sami Veliu.

“Materialet do i kalojnë Prokurorisë pranë Gjykatës së Shkallës së Parë Lushnjë, për veprime të mëtejshme”, njoftoi policia.