U denoncua i rrëmbyer, policia gjen ‘mbretin’ e Instagramit në Tiranë! Identifikohen autorët

Policia e Tiranës reagon pas denoncimit të familjarëve të Kozak Braçi për rrëmbimin e këtij të fundit.

Policia njofton se Kozak, i njohur si “mbreti” i Instagramit, është gjetur dhe po shoqërohet në Komisariat për t’u pyetur mbi ngjarjen.

Sqarim i Policisë së Tiranës:

Në lidhje me një lajm të publikuar në disa media për rrembimin e shtetasit K. B, ju bëjmë me dije se:

Sherbimet e Policisë kanë bërë të mundur gjetjen e tij dhe po bëjnë shoqërimin e tij për në ambientet e Komisariatit, për të dhënë deklarimin e tij në lidhje me ngjarjen.

Gjithashtu, është bërë identifikimi i autorëve të ngjarjes dhe po punohet për kapjen e tyre.

Strukturat hetimore të Komisariatit të Policisë Nr. 4 po punojnë për sqarimin e rrethanave dhe dokumentimin e plotë të ngjarjes.

LEXO EDHE  Operacioni anti-dr*gë në Itali, arrestohen 7 shqiptarë/ Detajet