Deputetja e Partisë Demokratike, Grida Duma, u paraqit sot në Gjykatën e Posaçme kundër Krimit dhe Korrupsionit për seancën e pajtimit me kryebashkiakun Veliaj të cilin e ka paditur për shpifje. Kryebashkiaku nuk ishte në seancë.
Pas seancës, Duma bëri me dije për mediat se nuk ka dhënë dakordësinë për pajtim.
Edhe pse tha se nuk ka besim që Veliaj do të paraqitet në gjykatë, ajo tha se gjyqi duhet të shkojë deri në fund.
“Nuk kam dhënë dakordësinë për pajtimin. Gjyqtari ka kërkuar paraqitjen e Veliaj, e di që nuk ka për tu paraqitur.Duhet vijuar kjo seancë gjyqësore deri në fundin e saj për të dhënë një gjë të vetme. Janë me dhjetëra vite në skenën publike, nuk është më çështja ime personale”, tha ajo për gazetarët.
