“Dhoma horror”, pamjet që përshkruajnë skenën e vdekjes, ja vendi ku u vra 20-vjeçarja nga bashkëshorti i saj grek (FOTOT)

Janë publikuar detaje të reja nga ngjarja dramatike e vrasjes së 20-vjeçares, Caroline Crouch, nga bashkëshorti i saj.

Gazeta greke “Protothema” ka publikuar fotografitë në dhomën ku u vra e reja në Glyka Nera të Greqisë, ngjarje që tronditi opinionin publik.

Fotografitë, të cilat përfshihen në dosjen e çështjes, përshkruajnë skenën e vdekjes, por edhe lëvizjet e 32-vjeçarit në agimin fatal të 11 majit. Në foto shfaqet dhoma horror, ku gjithçka është kthyer përmbys, pasi Babis inskenoi grabitje për të cilën fillimisht u akuzuan shtetas shqiptarë.

LEXO EDHE  “Inflacioni do të rritet frikshëm”, Rezart Prifti për krizën ekonomike: Duhen reforma ose do emetohet gjysëm miliard euro borxh publik

Në shtrat shihet celulari i tij, pajisja që në fund e tradhtoi dhe sirtarët e përmbysur. Ndërsa shihen edhe pjesët e ngjitësit izolues që ai ka përdorur për t’i lidhur duart gruas që vrau. Në skajin tjetër të dhomës së gjumit, ka një abazhur të hedhur dhe të ndezur, pranë krevatit të Lidias së vogël.