Ish-Kryeministri Sali Berisha zhvillon sot takimin e dytë me anëtarët e Partisë Demokratike, ndërsa “Foltorja” do të mbahet në Fier.
Por ish-Kryeministrit iu rezervua një pritje entuziaste nga rrethrrotullimi i Kolonjës, ku disa dhjetra anëtarë të PD kanë dalë për ta pritur dhe më pas në formën e një autokolone i janë drejtuar Fierit. Simpatizantët mbanin në duar flamujt e PD dhe disa pankarta në mbështetje të Berishës.
“Dhjetëra mbështetës të PD i rezervojnë pritje entuziaste Sali Berishës që në hyrje të Lushnjes”, shkruan Berisha në një postim në rrjet.
Ndërkohë në takimin e sotëm pritet të jetë i pranishëm edhe deputeti dhe kryetari i degës së Fierit, Luan Baçi, i cili më herët e ka konsideruar si një lëvizje bashkuese atë të ndërmarrë nga ish-Kryeministri Sali Berisha.
