Ka filluar ndërtimi i tij prej vitesh, por kompleksi i Partizanit ende s’ka përfunduar. Siç kanë deklaruar drejtuesit, disa burokraci janë bërë shkak që të punimet të ngecin.
Së fundmi ka sinjale pozitive nga kampi i kuq teksa përmes një postimi në faqen zyrtare bëhet me dije që presidenti Gaz Demi ka qenë i pranishëm për të ndjekur nga afër ecurinë e tyre që kanë rinisur prej disa ditësh.
Në njoftimin e bërë shkruhej:
“KOMPLEKSI SPORTIV I PARTIZANIT
PRESIDENTI DEMI NDJEK NGA AFËR ECURINË E PUNIMEVE
Akademia dhe stadiumi i FK Partizanit po marrin formë. Në tribunën qëndrore kanë përfunduar plotësisht sistemet e kondicionimit, sistemet hidrosanitare, sistemet elektrike dhe vetratat e duraluminit. Ditët në vijim nis shtrimi i fushës dhe montimi i ulësve të stadiumit.
Ecuria e punimeve po vijon me ritme shumë të shpejta jo vetëm për stadiumin, por edhe në ambientet e tjera që do të vihen në funksion të Akademisë së Partizanit, fushat stërvitore, hoteli, zyrat e administratës! Të gjitha ambientet funksionale të stadiumit janë konform standarteve të UEFA-s”.
